Categories

7 au hasard 27 septembre 2013 : 70.000 Mauriciens refusent la carte d’identité biométrique - 30 avril 2013 : Perle et les Fagnomba LIBRES ! - 17 mars 2015 : Cimendef... l’histoire jugera. Nou larg pa ! - 7 novembre 2013 : Jean-Paul Virapoullé et Davila Verdun se restaurent... - 16 février 2014 : Tampon : Didier Robert cherche-t-il la sortie ? - 3 janvier 2016 : Réunionnais de la Creuse : un passé… qui passe - 26 janvier 2013 : « Nous, Africains, avons une part de responsabilité » - 28 avril 2014 : Na poin « sentinelle » isi Larénion ? - 29 décembre 2014 : Un téléphérique pour Noël 2015 ? Chiche ! Ou alors 2016... - 3 février 2013 : Iles grecques à vendre -

Accueil > La Réunion > Economie et société > Madam Baba la désot la vi

Mersi po léritaz

Madam Baba la désot la vi

8 juin 2014
Eric Alendroit
fontsizedown
fontsizeup
Enregistrer au format PDF
Version imprimable de cet article Version imprimable

Madam Baba la désot la vi... Gran mersi Madam Baba po léritaz.
"Nalé la ba ousak lé gayar / Nalé lao lalé koko / Nalé laba ousak lé gayar / Na kass koko na boire dolo / Nalé laba wi tout lé gayar / Na roul séga na dans maloya / Laba la kaz baba vyin war gayar lé la / Laba la kaz baba vyin war lambians nou néna / Gayar lé la"... (Parol Thierry Gauliris)

Madam Baba. Photo IPR (Marie Trouvé)

Kan in moun i kass lo kwin, nout kèr i plèr. Po rézon, li lé pi la. Nou vwa arpi, nou toush arpi, nou koz arpi ansanm. Mé si nou gèt byin, si nou akout byin dann nout fonnkèr, saspé – mé lé pa sir, nou pé vwar lo moun i viv akoz nou yinm ali, akoz li la sitantèlman fé ké li sra la po toulbon, po toultan.

Madam Baba la désot la vi dimans 8 zyin mé el i viv é va viv ankor lontan akoz son kèr té dou, akoz son léspri té vif é sirtou li la doné zisko dernié. Servis aou, maloya aou, sinplisité aou, baro gran rouvèr, madam Baba té donn son tan, son gabié, tout son konésans.

Son dernié léson : lèss son kor prop. Fé in lakèy la mor. Son vi té anmayé sanm la mor akoz la vi la mor sé in sèl. Son vi té anmayé èk sat La Rénion akoz La Rénion lé Baba, La Rénion sé péi zansèt, péi Madégaskar, péi la rézistans, péi ti moun Zarboutan.

Mersi madam Baba po léritaz ou lèss po nou. Lé gran, lé san fon. I fo éspéré nou va giny manié ali !

Po tout son lantouraz, famiy, zami, isi é an déor, mi di azot nou tyinbo ansanm.

Eric Alendroit

Gayar lé la
Na lé la ba ousak lé gayar
Nalé lao lalé koko
Nalé laba ousak lé gayar
Na kass koko na boire dolo
Nalé laba wi tout lé gayar
Na roul séga na dans maloya

Laba la kaz baba vyin war gayar lé la
Laba la kaz baba vyin war lambians nou néna
Gayar lé la

Na bat karé la kaze lélé
Na di adié gramoune bébé
nat bat karé la lo rwa
Koté lé vré koté bondié

Laba la kaz baba vyin war gayar lé la
Laba la kaz baba vyin war lanbians nous néna
Gayar lé la

Nalé laba
War Maxime la kaz Madina
Ousak lé gayar
Na di ali kariar lé mor dan kanal
Wi na roul séga
Si Benoite lé la na largué
Wi na roulé na krazé ziska tèr
nalé lao
Wi lao war Pierrot dann lo
Lalé koko
Pat a tèr nalé kass mambolo
Wi nalé lao
Tir sapo po dans dann blak so
Nalé laba

Laba la kaz baba vyin war gayar lé la
Laba la kaz baba vyin war lanbians nou néna
Laba gayar lé la
Laba gayar lé la
Laba gayar lé la

Nalé laba

Nalé laba, vyin vyin vyin vyin vyin war
Ousak lé gayar, bat karé koté bondié
Po léternité
"Gayar lé la", Baster, Thierry Gauliris

A lire aussi :

Partager

Réagissez à cet article

comments powered by Disqus

Abonnez-vous à la Newsletter

Image Newsletter