Categories

7 au hasard 11 juin 2014 : De l’insidieuse chasse aux sorcières - 9 juin 2013 : Erdogan souffle sur les braises - 21 mars 2013 : 16 membres de Fagnomba toujours en prison - 17 janvier 2016 : Vol MH370 : les recherches révèlent une mystérieuse épave - 10 septembre 2014 : Ces marionnettes dansent mieux le séga que vous ! - 2 décembre 2014 : Thierry Robert : « Mi té veut brise la chaîne, la élimine amoin avant ! » - 30 janvier 2019 : Thierry Gauliris, dans sa tête un royaume - 23 août 2014 : Banques américaines : l’amende, prolongement de l’impunité ? - 9 mai 2016 : De la cigarette-star à la clope du condamné - 4 avril 2014 : « Donne créole travail » -

Accueil > La Réunion > Economie et société > Lolita Monga : Pou fann zékli lespwar dan la tèt mon zanfan

Opinion

Lolita Monga : Pou fann zékli lespwar dan la tèt mon zanfan

24 novembre 2018
Lolita Monga
fontsizedown
fontsizeup
Version imprimable de cet article Version imprimable

Ousa i lé mon pèp maron ? Mon pèp maron lapré sort tout koté, kanmèm la loi si santyé, mon pèp maron la pou tienbo !


Pié mang la i rosamb mon péi


Sé tan si, mi gard pié mang koté la kaz i débord

Mi gard a li, moin la sitantèlman gard a li ke moin la nyabou fé frémi son bann brans

Pié mang la i rosamb mon péi, mon péi lé in zarlor mé la min lé ankor klouté si bann piéboi.

Moi novanm flamboyan lé an flèr, lé rouz an san

A moin mi bat linz, mi bat kart, mi bat la mantri, mi bat karé sipermarsé, mi bat macadam, mi sone lansiv an lèr piton, piton béton, piton Anchaing.

Mi koné pi ni mon dovan ni mon dérièr

Mi sobat, sobat bat !

Kan fénoir i dsand mi dor pi, mi zoué pi pamine baba èk marmay, mi graffe, é mi vé pi grafine a moin.

"We the People", par Mary L.

Alamoinla mi koz èk la tèr


Astèr alak mi vé lèv koté zansèt, koté mon famy, astèr mi vé dobouté !

Alamoinla la pou souk santyé pou maroné, kanmèmsa na lampa dann mon gozyé

Alamoinla dan la kol zak i drès mon zèrgo pou tyin mon destin dann son min

Alamoinla mars dann karo brokèt pou fann zékli lespwar dan la tèt mon zanfan

Alamoinla mi koz èk la tèr, mi plant brèd dan mon karo

Mi mèt la min ansanm dan mon kartyé


kanmèm la pa rakont a moin mon pèp maron


Alamoinla apré kas la sèn kanmèm mi koné pa koman i fo fé

Mon pié Sandragon i plèr, mé i di ti ash i koup gro bwa !

Mi lèv lo zié par koté piton kanmèm la pa rakont a moin mon pèp maron

Mon kor pitaklé matanan, mé mi san ali ankor kan mi mazine nout zarlor

Mi vé pi èt sak i gob mous, sat i di pa, sat i mèt pa la min ansanm, sat i klout son bous, sat i konstruy pa, sat na pwin arien pou invanté

Moin la tomb dan in gob, Moin mèt lampak dan mon bous. A moin mouy mouy zanimo kosa ? Si mi manz pistas mi pis dann tas, si mi manz pa pistas mi kont pou la po patat ?

Ardone a moin mon listwar ! In listwar ou mi pé antann la voix la résistans !

Ousa i lé mon pèp maron ?

Mon pèp maron lapré sort tout koté, kanmèm la loi si santyé, mon pèp maron la pou tienbo !


Laverdure lo roi, Sarlave la reine, Sankoutou le colosse


Apèl pi moin « personn, mardi, vénus, casmanioc, cochon, barbe, Abeille, grosse graine, bloom, dément, comestible, bèlrose, sapotille, achard, cédécias, zoro-babel, cyrien, chair-dieu, rémus, ampoulette, converti, vénus, miraculeux, raboteur, taille-pierre, gravats, duboyau, l’enclume, pioche, arcade, fronton, jéziquel, bouboune, neubouchon, passave, capresse, gros, pas beau, négrit, coquera, coquerapa, bourriquis, ibo, moko, okébiboué, étilage, yacavarangue, zananas, zabulon, yabon, jolimont, actor, pakapab, bonaryen,

Kanyar.

Zordi moin mi soizi mon nom, kri a moin :

Mauzac lo roi, Cimandal ki obeïy pa, Dimy ki vèy

Sieille, Fanor ki mont a nou somin, Soya la sans,

Simanandé, Anchaing lintelizan, Héva, Rahariane solèy,

Laverdure lo roi, Sarlave la reine, Sankoutou le colosse,

Matouté lo fité, Bâlle lo roi, Fatie, Samson, Phaonce

Soya, Suzanne, Rico, Cotte, Barre…

Lolita Monga

A lire aussi :

Partager

Réagissez à cet article

comments powered by Disqus

Abonnez-vous à la Newsletter

Image Newsletter